Аннотация:
Қазақ тілінде тұнғыш жарық көріп отырған бұл кітап Қытай елінің сәулет өнері жайында жазылған тарихи шежіре іспетті.
Сәулет өнерін өмірлік кәсібі ретінде таңдаған Лян Сычен - Американың Пенсильвания университетінің түлегі, бүкіл саналы ғұмырын осы салаға арнаған ғұлама ғалым ретінде артына баға жетпес рухани қазына қалдырды. Талай алмағайып замандарды басынан кешіп, үйінді астында қалған Қытай сәулет өнерінің мұраларынан бастап жаңа заманға дейінгі даму кезеңдерін, құрылымы мен құрылымдық жүйесін жан-жақты талдаған ғылыми-зерттеу еңбегі тағылымдық, танымдық,өнеге аларлық мәнімен маңызды. Ғалымның өмірі - туған халқына, Отанына қалтқысыз қызмет етудің жарқын үлгісі.
Бұл кітап Қытай мәдениетінің тарихы мен мәдениеті қызықтыратын зерделі оқырман қауымға, сәулет өнері саласының мамандарына, ғалымдар мен студенттерге арналған.
Сондай-ақ кітап мазмұны деректі суреттермен, сызбалармен толықтырылуымен құнды.